1. Muitalusaid girji 1

₁Adam, Set, Enoš, ₂Kenan, Mahalalel, Jared, ₃Henok, Metušelah, Lamek ₄ja Noa. Noa bártnit ledje Sem, Ham ja Jafet.

₅Jafeta bártnit ledje Gomer, Magog, Madai, Javan, Tubal, Mešek ja Tiras. ₆Gomera bártnit ledje Aškenas, Rifat ja Togarma. ₇Javana bártnit ledje Eliša ja Taršiš; maiddái kittelaččat ja rodanlaččat leat su nális.

₈Hama bártnit ledje Kuš, Misrajim, Put ja Kanaan. ₉Kuša bártnit ledje Seba, Havila, Sabta, Rama ja Sabteka. Rama bártnit ledje Saba ja Dedan. ₁₀Kuš sahkanahtii Nimroda gii šattai vuosttaš veagalaš ráđđejeaddjin eatnama alde.

₁₁Misrajim sahkanahtii ludlaččaid, anamlaččaid, lehablaččaid, naftuhlaččaid, ₁₂patroslaččaid ja kasluhlaččaid geain filistalaččat buolvaduvvet, ja kaftorlaččaid.

₁₃Kanaan sahkanahtii Sidona, vuosttašriegádeaddjis, ja Heta, ₁₄jebuslaččaid, amorlaččaid, girgašlaččaid, ₁₅hivvelaččaid, arkilaččaid, sinlaččaid, ₁₆arvadlaččaid, semarlaččaid ja hamatlaččaid.

₁₇Sema bártnit ledje Elam, Assur, Arpakšad, Lud ja Aram. Arama bártnit ledje Us, Hul, Geter ja Maš. ₁₈Arpakšad sahkanahtii Šelaha, ja Šelah sahkanahtii Ebera. ₁₉Eberii riegádedje guokte bártni. Nuppi namma lei Peleg, danin go su áigge eanan juogaduvvui. Su vielja namma lei Joktan. ₂₀Joktan sahkanahtii Almodada, Šelefa, Hasarmaveta, Jeraha, ₂₁Hadorama, Usala, Dikla, ₂₂Ebala, Abimaela, Saba, ₂₃Ofira, Havila ja Jobaba. Buot dát ledje Joktana bártnit.

₂₄Sema nális ledje Arpakšad, Šelah, ₂₅Eber, Peleg, Reu, ₂₆Serug, Nahor, Terah ₂₇ja Abram dahjege Abraham.

₂₈Abrahama bártnit ledje Isak ja Ismael. ₂₉Dát lea sudno sohkalogahallan.

Ismaela vuosttašriegádeaddji lei Nebajot, ja su eará bártnit ledje Kedar, Adbeel, Mibsam, ₃₀Mišma, Duma, Massa, Hadad, Tema, ₃₁Jetur, Nafiš ja Kedma. Dát ledje Ismaela bártnit.

₃₂Bártnit geaid Ketura, Abrahama liigeáhkká, riegádahtii, ledje Simran, Jokšan, Medan, Midjan, Jišbak ja Šuah. Jokšana bártnit ledje Saba ja Dedan. ₃₃Midjana bártnit ledje Efa, Efer, Henok, Abida ja Eldaa. Buot dát ledje Ketura nális.

₃₄Abraham sahkanahtii Isaka. Isaka bártnit ledje Esau ja Israel.

₃₅Esau bártnit ledje Elifas, Reuel, Jeuš, Jalam ja Korah.

₃₆Elifasa bártnit ledje Teman, Omar, Sefi, Gatam, Kenas, Timna ja Amalek. ₃₇Reuela bártnit ledje Nahat, Serah, Šamma ja Missa.

₃₈Seira bártnit ledje Lotan, Šobal, Sibon, Ana, Dišon, Eser ja Dišan.

₃₉Lotana bártnit ledje Hori ja Homam, ja Lotana oabbá lei Timna. ₄₀Šobala bártnit ledje Aljan, Manahat, Ebal, Šefi ja Onam. Sibona bártnit ledje Aja ja Ana. ₄₁Ana bárdni lei Dišon. Dišona bártnit ledje Hamran, Ešban, Jitran ja Keran. ₄₂Esera bártnit ledje Bilhan, Saavan ja Jaakan. Dišana bártnit ledje Us ja Aran.

₄₃Dát gonagasat ráđđejedje Edoma ovdal go israellaččain lei gonagas ráđđejeaddjin: Bela, Beora bárdni, gean gávpoga namma lei Dinhaba. ₄₄Go Bela jámii, de su maŋŋil šattai gonagassan bosralaš Jobab, Seraha bárdni. ₄₅Go Jobab jámii, de su maŋŋil šattai gonagassan Hušam, Temana olmmoš. ₄₆Go Hušam jámii, de su maŋŋil šattai gonagassan Hadad, Bedada bárdni. Son časkkii midjanlaččaid Moabis, ja su gávpoga namma lei Avit. ₄₇Go Hadad jámii, de su maŋŋil šattai gonagassan masrekalaš Samla. ₄₈Go Samla jámii, de Saul, gii lei eret Rehobotis johkagáttis, šattai gonagassan su maŋŋil. ₄₉Go Saul jámii, de su maŋŋil šattai gonagassan Baal Hanan, Akbora bárdni. ₅₀Go Baal Hanan jámii, de su maŋŋil šattai gonagassan Hadad. Su gávpoga namma lei Pai. Su áhkká lei Mehetabel, Matreda nieida; Matred lei Me-Sahaba nieida.

₅₁Go Hadad jámii, de Edomis ráđđejedje dát sohkaoaivámuččat: Timna, Alva, Jetet, ₅₂Oholibama, Ela, Pinon, ₅₃Kenas, Teman, Mibsar, ₅₄Magdiel ja Iram. Dát ledje Edoma sohkaoaivámuččat.