1. Muitalusaid girji 2

₁Dát ledje Israela bártnit: Ruben, Simeon, Levi, Juda, Isaskar, Sebulon, ₂Dan, Josef, Benjamin, Naftali, Gad ja Ašer.

₃Juda bártnit ledje Er, Onan ja Šela. Dán golbmasa riegádahtii sutnje Bat-Šua, kanaanlaš nisson. Muhto Juda vuosttašriegádeaddji Er dagai dan mii lea bahá Hearrá čalmmiin, ja Hearrá divttii su jápmit. ₄Tamar, Juda mannji, riegádahtii Judai Peresa ja Seraha, ja nu Judas ledje oktiibuot vihtta bártni.

₅Peresa bártnit ledje Hesron ja Hamul. ₆Serahis ledje vihtta bártni: Simri, Etan, Heman, Kalkol ja Darda.

₇Karmi bárdni lei Akar gii dagahii Israelii lihkuhisvuođa, danin go son válddii dakkára mii lei vihahuvvon duššadeapmái. ₈Etana bárdni lei Asarja.

₉Hesrona bártnit ledje Jerahmeel, Ram ja Kelubai. ₁₀Ram sahkanahtii Amminadaba, ja Amminadab sahkanahtii Nahšona, Juda čeardda ráđđejeaddji. ₁₁Nahšon sahkanahtii Salma, ja Salma sahkanahtii Boasa. ₁₂Boas sahkanahtii Obeda, ja Obed sahkanahtii Isaja. ₁₃Isaja vuosttašriegádeaddji lei Eliab; su nubbi bárdni lei Abinadab, goalmmát Šima, ₁₄njealját Netanel, viđát Raddai, ₁₅guđát Osem ja čihččet David. ₁₆Sin oappát ledje Seruja ja Abigajil. Serujas ledje golbma bártni, Abišai, Joab ja Asael. ₁₇Abigajil riegádahtii Amasa, gean áhčči lei ismaellaš Jeter.

₁₈Kalebii, Hesrona bárdnái, ja su áhkkái Asubai riegádii nieida gean namma lei Jeriot. Jeriota bártnit ledje Ješer, Šobab ja Ardon. ₁₉Go Asuba jámii, de Kaleb válddii áhkkán Efrata, gii riegádahtii sutnje Hura. ₂₀Hur sahkanahtii Uri, ja Uri sahkanahtii Besalela.

₂₁Dasto Hesron válddii áhkkán Gileada áhči Makira nieidda. Hesron lei guhttalogijahkásaš go válddii Makira áhkkán, ja Makira riegádahtii sutnje Seguba. ₂₂Segub sahkanahtii Jaira. Jair hálddašii guoktelogigolbma gávpoga Gileadis, ₂₃muhto Gešur ja Aram válde Gileadis Havvot Jaira ja Kenata ja dan birasbáikkiid, oktiibuot guhttalogi gili. Buot dát ledje gullan Makira, Gileada áhči, bártniide.

₂₄Go Hesron lei jápmán, de Kaleb válddii áhkkán Efrata, áhčis Hesrona leaskka, ja son riegádahtii Kalebii Ašhura, Tekoa áhči. ₂₅Hesrona vuosttašriegádeaddji Jerahmeela bártnit ledje Ram, vuosttašriegádeaddji, Buna, Oren, Osem ja Ahia. ₂₆Jerahmeelis lei maiddái nubbi áhkká, Atara, gii lei Onama eadni. ₂₇Jerahmeela vuosttašriegádeaddji Rama bártnit ledje Maas, Jamin ja Eker. ₂₈Onama bártnit ledje Šammai ja Jada. Šammaja bártnit ledje Nadab ja Abišur. ₂₉Abišura áhká namma lei Abihajil. Son riegádahtii Abišurii Ahbana ja Molida. ₃₀Nadaba bártnit ledje Seled ja Appajim. Seled jámii mánáheapmin, ₃₁Appajima bárdni lei Jiši. Jiši bárdni lei Šešan, ja Šešana bárdni lei Ahlai. ₃₂Šammaja vielja Jada bártnit ledje Jeter ja Jonatan. Jeter jámii mánáheapmin, ₃₃Jonatana bártnit ledje Pelet ja Sasa. Buot dát ledje Jerahmeela nális.

₃₄Šešanis eai lean bártnit, dušše nieiddat. Sus lei egyptalaš šlávva gean namma lei Jarha. ₃₅Šešan attii Jarhai nieiddas áhkkán. Son riegádahtii sutnje Attaja. ₃₆Attai sahkanahtii Natana, ja Natan sahkanahtii Sabada. ₃₇Sabad sahkanahtii Eflala, ja Eflal sahkanahtii Obeda. ₃₈Obed sahkanahtii Jehu, ja Jehu sahkanahtii Asarja. ₃₉Asarja sahkanahtii Helesa, ja Heles sahkanahtii Elasa. ₄₀Elasa sahkanahtii Sismaja, ja Sismai sahkanahtii Šalluma. ₄₁Šallum sahkanahtii Jekamja, ja Jekamja sahkanahtii Elišama.

₄₂Kalebis, Jerahmeela vieljas, lei bárdni Meša, su vuosttašriegádeaddji, Sifa áhčči. Meša bárdni lei Mareša, Hebrona áhčči. ₄₃Hebrona bártnit ledje Korah, Tappuah, Rekem ja Šema. ₄₄Šema sahkanahtii Rahama, Jorkoama áhči, ja Rekem sahkanahtii Šammaja. ₄₅Šammaja bárdni lei Maon, ja Maon šattai Bet-Sura áhččin. ₄₆Kaleba liigeáhkká Efa riegádahtii Harana, Mosa ja Gasesa, ja Haran sahkanahtii Gasesa. ₄₇Johdaja bártnit ledje Regem, Jotam, Gešan, Pelet, Efa ja Šaaf. ₄₈Kaleba liigeáhkká Maaka riegádahtii Šebera ja Tirhana. ₄₉Son riegádahtii maiddái Šaafa, Madmanna áhci, ja Ševa, Makbena ja Gibea áhči. Kaleba nieida lei Aksa. ₅₀Dát ledje Kaleba nális. Efrata vuosttašriegádeaddji Hura bártnit ledje Šobal, Kirjat-Jearima áhčči, ₅₁Salma, Betlehema áhčči, ja Haref, Bet-Gadera áhčči. ₅₂Šobala, Kirjat-Jearima áhči, nális lei maid Reaja ja bealli manahatlaččain. ₅₃Sogat mat surggiidedje Kirjat-Jearimis, ledje jeterlaččat, putlaččat, šumalaččat ja mišralaččat, ja sis surggiidedje soralaččat ja eštaollaččat.

₅₄Salma, Betlehema áhči, nális ledje netofalaččat, Atrot Bet-Joab ja bealli manahatlaččain, namalassii soralaččat ₅₅ja seferlaččaid sogat mat ásse Jabesis: Tiralaččat, šimalaččat ja sukalaččat. Dát ledje dat kenlaččat geat surggiidedje Hammatis, Rekaba soga máttus.