1. Muitalusaid girji 7

₁Isaskara njeallje bártni ledje Tola, Pua, Jašub ja Šimron. ₂Tola bártnit ledje Ussi, Refaja, Jeriel, Jahmai, Jibsam ja Samuel. Sii ledje bearrašiiddiset oaivámuččat ja jálus soahteolbmát. Davida áigge sin lohku lei guoktelogiguokteduhát guhttačuođi. ₃Ussi bárdni lei Jisrahja, ja su bártnitgis Mikael, Obadja, Joel ja Jiššia. Dát viđas ledje buohkat bearrašiiddiset oaivámuččat. ₄Sohkalogahallamiid mielde sin sogain ledje golbmalogiguhttaduhát soahteolbmá; sis ledje oainnat ollu áhkát ja mánát. ₅Maiddái eará isaskarlaččat ledje jálus soahteolbmát. Sohkalogahallamiin sii ledje oktiibuot gávccilogičiežaduhát olbmá.

₆Benjamina golbma bártni ledje Bela, Beker ja Jediael. ₇Bela bártnit ledje Esbon, Ussi, Ussiel, Jerimot ja Iri; dát viđas ledje bearrašiiddiset oaivámuččat ja jálus soahteolbmát. Sohkalogahallamiin sii ledje guoktelogiguokteduhát golbmaloginjeallje olbmá. ₈Bekera bártnit ledje Semira, Joaš, Elieser, Eljoenai, Omri, Jeremot, Abia, Anatot ja Alemet. Buot dát ledje Bekera bártnit, ₉bearrašiiddiset oaivámuččat ja jálus soahteolbmát. Sohkalogahallamiid mielde sii ledje guoktelogiguokteduhát guoktečuođi olbmá. ₁₀Jediaela bárdni lei Bilhan, ja Bilhana bártnit ledje Jeuš, Benjamin, Ehud, Kenaana, Setan, Taršiš ja Ahišahar. ₁₁Buot dát Jediaela bártnit ledje bearrašiiddiset oaivámuččat ja jálus soahteolbmát. Sin nális ledje čiežanuppelohkáiduhát guoktečuođi soahteolbmá. ₁₂Šufam ja Hufam ledje Ira bártnit, ja Hušim lei Ahera bárdni.

₁₃Naftali bártnit ledje Jahasiel, Guni, Jeser ja Šallum. Sii ledje Bilha nális.

₁₄Manasse bártnit geaid su aramealaš liigeáhkká riegádahtii, ledje Asriel ja Makir gii šattai Gileada áhččin. ₁₅Makir válddii áhkkán Hufama ja Šufama oappá gean namma lei Maaka. Makira nubbi bárdni lei Selofhad, geasa riegádedje dušše nieiddat. ₁₆Maaka, Makira áhkká, riegádahtii bártni ja gohčodii su Perešin; Pereša vielja namma lei Šereš, ja su bártnit ledje Ulam ja Rekem. ₁₇Ulama bárdni lei Bedan. Dát lei Gileada, Makira bártni, Manasse áddjuba, nálli. ₁₈Su oabbá Hammoleket riegádahtii Išhoda, Abiesera ja Mahla. ₁₉Šemida bártnit ledje Ahjan, Šekem, Likhi ja Aniam.

₂₀Efraima bárdni lei Šutelah, su bárdni Bered, su Tahat, su Elada, su Tahat, ₂₁su Sabad ja su Šutelah. Efraima bártnit ledje maiddái Eser ja Elad. Soai gottáhalaiga muhtun gatlaš olbmáide geat ledje riegádan dan eatnamis, go soai leigga vuolgán rievidit sin omiid. ₂₂Sudno áhčči Efraim moraštii bártnisguoktá guhká, ja su fuolkkit bohte jeđđet su. ₂₃De son fas veallái áhkáinis gii šattai áhpeheapmin ja riegádahtii bártni. Efraim bijai bárdnái namman Beria, dainna go son lei riegádan su bearraša lihkuhisvuođa áigge. ₂₄Su nieida lei Šeera gii huksii Vuolit ja Bajit Bet-Horona ja Ussen Šeera. ₂₅Beria bárdni lei Refah, su Rešef, su Telah, su Tahan, ₂₆su Ladan, su Ammihud, su Elišama, ₂₇su Nun ja su Josua. ₂₈Sin opmodagat ja ássanbáikkit ledje Betel ja dan birasbáikkit, nuortan Naaran, oarjin Geser ja dan birasbáikkit ja vel Sikem ja dan birasbáikkit gitta Aja ja dan birasbáikkiid rádjái. ₂₉Manasse čearda hálddašii Bet-Šeana, Taanaka, Megiddo ja Dora ja buot daid birasbáikkiid. Dáin gávpogiin ásai Josefa, Israela bártni, nálli.

₃₀Ašera bártnit ledje Jimna, Jišva, Jišvi ja Beria. Sin oabbá lei Serah. ₃₁Beria bártnit ledje Heber ja Malkiel gii šattai Birsajita áhččin. ₃₂Heber sahkanahtii Jafleta, Šemera ja Hotama. Sin oabbá lei Šua. ₃₃Jafleta bártnit ledje Pasak, Bimhal ja Ašvat. ₃₄Šemera bártnit ledje Rohga, Hubba ja Aram. ₃₅Su vielja Hotama bártnit ledje Sofah, Jimna, Šeleš ja Amal. ₃₆Sofaha bártnit ledje Suah, Harnefer, Šual, Beri, Jimra, ₃₇Beser, Hod, Šamma, Šilša, Jitran ja Beera. ₃₈Jetera bártnit ledje Jefunne, Pispa ja Ara. ₃₉Ulla bártnit ledje Arah, Hanniel ja Risja. ₄₀Buot dát ledje Ašera nális, bearrašiiddiset oaivámuččat, jálus válljosoahteolbmát, njunnošat oaivámuččaid gaskkas. Sohkalogahallamiid mielde Ašera čearddas ledje guoktelogiguhttaduhát soahteolbmá.