1. Mosesgirji 36

₁Dát lea Esau dahjege Edoma sohka. ₂Esau válddii áhkkán guokte kanaanlaš nissona: Ada, hetlaš Elona nieidda, ja Oholibama, hivvelaš Sibona bártni Ana nieidda. ₃Sudno lassin son válddii áhkkán Ismaela nieidda Basemata, Nebajota oappá. ₄Ada riegádahtii Esaui Elifasa, Basemat riegádahtii Reuela ₅ja Oholibama riegádahtii Jeuša, Jalama ja Koraha. Dát ledje Esau bártnit geat riegádedje sutnje Kanaanis.

₆Esau válddii áhkáidis ja bártniidis, nieiddaidis ja buot olbmuidis, omiidis, bargošibihiiddis ja buot opmodaga maid son lei háhkan Kanaanis, ja fárrii Seira eatnamii vieljas Jakoba luhtte. ₇Sudnos lei nu ollu opmodat ahte soai eaba čáhkan orrut šat seammá guovllus, iige eanan gos soai oruiga, nagadan ealihit sudno goappašagaid, dasgo sudnos ledje nu ollu oamit. ₈De Esau ásai Seira várreeatnamii. Esau lea seammá go Edom.

₉Dát lea Esau sohka Seira várreeatnamis, su gii lei edomlaččaid máddu. ₁₀Dát ledje Esau bártnit: Elifas, Esau áhká Ada bárdni, ja Reuel, Esau áhká Basemata bárdni.

₁₁Elifasa bártnit ledje Teman, Omar, Sefo, Gatam ja Kenas. ₁₂Esau bártnis Elifasis lei maid liigeáhkká Timna, gii riegádahtii Elifasii Amaleka. Dát lei Esau áhká Ada nálli. ₁₃Reuela bártnit ledje Nahat, Serah, Šamma ja Missa. Dát lei Esau áhká Basemata nálli. ₁₄Esau áhká Oholibama, Sibona bártni Ana nieidda, bártnit ledje Jeuš, Jalam ja Korah.

₁₅Dát leat Esau náli sohkaoaivámuččat: Esau vuosttašriegádeaddji Elifasa náli sohkaoaivámuččat ledje Teman, Omar, Sefo, Kenas, ₁₆Korah, Gatam ja Amalek; sii ledje Elifasa sohkaoaivámuččat Edoma eatnamis, namalassii Ada nálli. ₁₇Esau bártni Reuela náli sohkaoaivámuččat geat ásse Edoma eatnamis, ledje Nahat, Serah, Šamma ja Missa, namalassii Esau áhká Basemata nálli. ₁₈Esau áhká Oholibama bártnit ledje Jeuš, Jalam ja Korah. Dát leat dat sohkaoaivámuččat geat surggiidedje Esau áhkás, Oholibamas, Ana nieiddas. ₁₉Dát ledje Esau dahjege Edoma bártnit ja sin sohkaoaivámuččat.

₂₀Dát leat horilaš Seira bártnit geat ásse dan eatnamis ovddežis: Lotan, Šobal, Sibon, Ana, ₂₁Dišon, Eser ja Dišan; sii ledje horilaččaid, Seira bártniid, sohkaoaivámuččat Edoma eatnamis.

₂₂Lotana bártnit ledje Hori ja Heman, ja Lotana oabbá lei Timna. ₂₃Šobala bártnit ledje Alvan, Manahat, Ebal, Šefo ja Onam. ₂₄Sibona bártnit ledje Aja ja Ana; son lei dat Ana gii gávnnai liegga ádjagiid meahcis go lei geahččamin áhčis Sibona áseniid. ₂₅Ana bárdni lei Dišon, ja su nieida lei Oholibama. ₂₆Dišona bártnit ledje Hemdan, Ešban, Jitran ja Keran. ₂₇Esera bártnit ledje Bilhan, Saavan ja Akan. ₂₈Dišana bártnit ledje Us ja Aran.

₂₉Dát leat horilaččaid sohkaoaivámuččat: Oaivámuččat Lotan, Šobal, Sibon, Ana, ₃₀Dišon, Eser ja Dišan. Sii ledje horilaččaid sohkaoaivámuččat geat ásse Seira eatnamis, logahallojuvvon oaivámuččaid mielde.

₃₁Dát leat dat gonagasat geat ráđđejedje Edoma eatnamis ovdal go israellaš gonagas ráđđii doppe: ₃₂Edoma vuosttaš gonagas lei Bela, Beora bárdni, ja su gávpoga namma lei Dinhaba. ₃₃Go Bela jámii, de gonagassan šattai Jobab, Seraha bárdni, gii lei Bosras eret. ₃₄Go Jobab jámii, de gonagassan šattai Hušam, gii lei Temana eatnamis eret. ₃₅Go Hušam jámii, de gonagassan šattai Hadad, Bedada bárdni. Son časkkii midjanlaččaid Moaba meahcis. Su gávpoga namma lei Avit. ₃₆Go Hadad jámii, de gonagassan šattai Samla, gii lei Masrekas eret. ₃₇Go Samla jámii, de gonagassan šattai Saul, gii lei eret Rehobotas, johkagáttis. ₃₈Go Saul jámii, de gonagassan šattai Baal Hanan, Akbora bárdni. ₃₉Go Baal Hanan, Akbora bárdni, jámii, de gonagassan šattai Hadar. Su gávpoga namma lei Pau. Su áhkká lei Mehetabel, Matreda nieida; Matred lei Me-Sahaba nieida.

₄₀Dát leat Esau sohkaoaivámuččaid namat sin sogaid ja ássanbáikkiid mielde: Oaivámuččat Timna, Alva, Jetet, ₄₁Oholibama, Ela, Pinon, ₄₂Kenas, Teman, Mibsar, ₄₃Magdiel ja Iram. Dát ledje Edoma sohkaoaivámuččat ássanbáikkiideaset mielde logahallojuvvon. Edom lea seammá go Esau, edomlaččaid máddu.