Hosea 6

₁Bohtet, máhccot Hearrá lusa!

Son gaikkodii, ja son maid dálkkoda min,

son časkkii, ja son maid čatná min háviid.

₂Son ealáskahttá min

guovtti beaivvi geažes,

goalmmát beaivvi son čuoččáldahttá min,

vai mii beassat eallit su muođuid ovddas.

₃Ohppot dovdat Hearrá, viggot dovdat su!

Son boahtá vissásit go iđitguovssu,

son boahtá min lusa dego arvi,

dego giđđaarvi mii láktada eatnama.

₄Maid mun galggan dahkat dutnje, Efraim,

maid dutnje, Juda?

Din oskkáldasvuohta lea dego iđitbalva,

dego suoldni mii jávká árrat.

₅Dan dihte mun lean vuolggahan

profehtaidan časkit sin,

lean goddán sin mu sániiguin.

Mu duopmu ihtá dego čuovga.

₆Váibmoláđisvuođa mun dáhtun,

inge njuovvanoaffara,

Ipmila dovdamuša eambbo go

boaldinoaffariid.

₇Sii rihkko lihtu Adamis,

doppe sii ledje munnje

oskkáldasmeahttumat.

₈Gilead lea vearredahkkiid gávpot,

dan dievva leat varraluottat.

₉Báhpat vuđgŋet dego rievvárat,

sii goddet olbmuid Sikema geainnus.

Sin dagut leat heahpatlaččat.

₁₀Israela álbmoga siste

mun lean oaidnán surgatlaš áššiid.

Doppe Efraim furroša,

Israel dahká iežas buhtismeahttumin,

₁₁ja nu maiddái Juda.

Áigi boahtá go don láddjejuvvot.

Go mun jorgalahtán álbmogan vuorbbi,