Sálmmaid girji 100
Sálbma 100
1Giittussálbma.
Rámit Hearrá, oppa eanan!
2Bálvalehket Hearrá ilus,
bohtet su muođuid ovdii ávvudemiin!
3Dihtet ahte Hearrá lea Ipmil.
Son lea sivdnidan min,
ja mii leat su, su álbmot,
su sávzzat maid son geahččá.
4Mannet su poarttaide rámidemiin,
su ovdašiljuide máidnuma lávlumiin.
Giitet Hearrá ja máidnot su nama,
5dasgo Hearrá lea buorre!
Su árbmu bistá agálaš áigái,
su oskkáldasvuohta buolvvas bulvii.
(c) Det Norske Bibelselskap, Suomen Pipliaseura, Svenska Bibelsällskapet 2019
(c) Norwegian Bible Society, Finnish Bible Society, Swedish Bible Society 2019
