Sálmmaid girji 124

Jos Hearrá ii livčče leamaš min beali

– nu dadjos Israel –

₂jos Hearrá ii livčče leamaš min beali

go olbmot fallehedje min,

₃de moaristeaset

sii livčče njiellan min eallinaga,

₄ čázit livčče dolvon min,

dulvi livččii min gokčan ja

₅boršu bárut livčče heavahan min.

₆Máidnojuvvon lehkos Hearrá!

Son ii addán min sin bániide stajádussan.

₇Mii beasaimet báhtui dego loddi bivdi gielas.

Giella boatkanii, ja mii beasaimet luovus.

₈Min veahkeheaddji lea Hearrá

gii lea sivdnidan almmi ja eatnama.