Sálmmaid girji 57

leage munnje árbmugas,

dutnje mun dorvvastan.

Du soajáid suoivanis

mun gávnnan suoji

dassážii go várra lea meaddel.

₃Mun čuorvvun Ipmilii,

Alimussii, Ipmilii

guhte dahká munnje buori.

₄Go mu doarrádallit

bilkidit mu,

de son vuolggaha munnje veahki almmis.

Sela

Ipmil čájeha munnje árpmu,

son lea oskkáldas.

₅Mun veallán ledjoniid gaskkas,

dat borastuvvet olbmooažžái.

Daid bánit leat sáittit ja njuolat,

daid njuovčča lea bastilis miehkki.

₆Čájet gudnát almmis, Ipmil,

iežat hearvásvuođa miehtá eatnama!

₇Sii lebbejedje fierpmi

mu julggiid ovdii,

vai mun nuonddahalan.

Sii rogge hávddi mu ovdii,

muhto gahčče dasa ieža. Sela

₈Mu váibmu lea dorvvolaš, Ipmil,

mu váibmu lea dorvvolaš,

mun dáhtun lávlut ja čuojahit.

₉Gohccá, mu siellu,

morit, hárpa ja lyra!

Mun dáhtun boktit iđedisroađi.

₁₀Hearrá, mun máinnun du

álbmogiid gaskkas,

mun lávllun du rámádusa

buot álbmogiidda.

₁₁Du árbmugasvuohta

ollá albmái,

du oskkáldasvuohta

gitta balvvaid rádjái.

₁₂Ipmil, čájet gudnát almmis,

iežat hearvásvuođa miehtá eatnama!