Sálmmaid girji 76

₂Ipmil dovdojuvvo Judas,

su namma lea stuoris Israelis.

₃Salemis lea su goahti,

Sionis su ássansadji.

₄Doppe son dojii

álddagasti njuolaid,

galbba, miehki ja

buot soahtevearjjuid. Sela

₅Suonjardeaddji lea du šearratvuohta,

don leat hearváseabbo go agálaš várit.

₆Jálus olbmát rieviduvvojedje,

sáŋgárat oađđájedje,

soahteolbmáid gieđat vuoimmehuvve.

₇Go don áitet, Jakoba Ipmil,

de gálnnai heasta ja riidejeaddji.

₈Hearrá, don leat hirbmatlaš.

Gii máhttá bissut,

go don moaráhuvat?

₉Almmis don gulahat duomu.

Eanan suorgana ja jaskkoda,

₁₀go Ipmil čuožžila dubmet.

Son beastá buot eatnama váivvášiid.

Sela

₁₁Don hávkadat olbmuid vaši,

jáddadat moari mii lea báhcán.

₁₂Addet lohpádusaid Hearrái,

Ipmilasadet,

diktet su oažžut dan maid lehpet lohpidan!

Buktoset buot ránnjáálbmogat

attáldagaid sutnje geas ballet.

₁₃Son doadjá ráđđejeddjiid vuoiŋŋa,

eatnama gonagasat fertejit ballat sus.