Almmustus 5

₁Mun oidnen ahte su olgeš gieđas gii čohkkái truvnnus, lei girjegearru. Dan goappašat bealit ledje čállojuvvon dievva ja dat lei seailiduvvon čiežain seaillain. ₂Ja mun oidnen fámolaš eŋgela gii čuorvvui alla jienain: “Gii lea dohkálaš rabastit girjegearu ja doadjit dan seaillaid?” ₃Muhto ii almmis, ii eatnama alde iige eatnama vuolde lean oktage gii livččii sáhttán rahpat girjji ja geahččat dan. ₄Mun čirron bahččagit, go ii lean oktage gii livččii lean dohkálaš rabastit girjji ja geahččat dasa. ₅Muhto okta vuorrasiin celkkii munnje: “Ale čiero! Juda čeardda ledjon, Davida vesá, lea vuoitán! Son rabasta girjji ja doadjá buot čieža seailla.”

₆Ja mun oidnen go truvnnu ja njealji sivdnádusa ovddas ja vuorrasiid gaskkas čuoččui láppis. Dat lei dego njuvvojuvvon, ja das ledje čieža čoarvvi ja čieža čalmmi – dat Ipmila čieža vuoiŋŋa mat leat vuolggahuvvon oppa eatnamii. ₇Láppis bođii lagabui ja válddii girjji su olgeš gieđas gii čohkkái truvnnus. ₈Go Láppis válddii girjji, de dat njeallje sivdnádusa ja guokteloginjeallje vuorrasa luoitádedje su ovdii. Juohkehaččas lei hárpa ja gollelihti dievva suovvasat, bassi olbmuid rohkadusat. ₉Ja sii lávlo ođđa lávlaga:

₁₁Mun oidnen truvnnu, sivdnádusaid ja vuorrasiid birra eatnat eŋgeliid ja gullen sin jiena. Sii ledje lohkameahttun ollu, logiduhát geardde logiduhát ja duhát geardde duhát, ₁₂ja sii čurvo alla jienain:

₁₃Ja mun gullen go buot sivdnádusat almmis, eatnama alde, eatnama vuolde ja mearas, buot mii dain lea, celke:

₁₄Dat njeallje sivdnádusa vástidedje: “Amen”, ja vuorrasat luoitádedje muđolassii ja rohkadalle.