Almmustus 7

₁Das maŋŋil mun oidnen njeallje eŋgela čuožžumin eatnama njealji čiegas ja doallamin eatnama njeallje biekka, vai ii oktage biegga boso badjel eatnama ja ábi iige ovttage muora njeaiga. ₂Ja mun oidnen eará eŋgela badjáneamen nuortan, ja son guttii ealli Ipmila seailla. Son čuorvvui alla jienain dan njealji eŋgelii geaidda lei addojuvvon fápmu vahágahttit eatnama ja ábi: ₃“Allet vahágahte eatnama, allet ábi alletge muoraid ovdal go leat bidjan seailla min Ipmila bálvaleddjiid gállui.” ₄Mun gullen maiddái daid logu geat ledje merkejuvvon seaillain. Sii ledje čuođinjealljeloginjealljeduháha, ja sii ledje buot Israela čearddain:

₉Das maŋŋil mun oidnen stuorra olmmošeatnatvuođa maid ii oktage máhttán lohkat. Das ledje olbmot buot eatnamiin, buot álbmogiin ja buot čearddain, ja sii sárdno buot gielaid. Sii čužžo truvnnu ja Lábbá ovddas, vilges biktasiidda gárvvuhuvvon ja gieđas pálbmaoaksi ₁₀ja čurvo alla jienain:

₁₁Buot eŋgelat čužžo truvnnu ja vuorrasiid ja dan njealji sivdnádusa birra, ja sii luoitádedje muđolassii truvnnu ovdii, rohkadalle Ipmila ₁₂ja celke:

₁₃De okta vuorrasiin jearai mus: “Geat leat dát geainna leat vilges biktasat? Gos sii leat boahtán?” ₁₄Mun vástidin: “Hearrá, don dan dieđát.” Son celkkii munnje: “Dát leat dat geat leat boahtán dan stuorra áŧestusas. Sii leat bassan biktasiiddiset ja vilggodahttán daid Lábbá varas. ₁₅Danne sii leat Ipmila truvnnu ovddas ja bálvalit su ijatbeaivái su tempelis, ja son gii čohkká truvnnus, lea ceggen goađis sin badjelii. ₁₆Eai sii šat nealggo eaige goikka, ii sin givssit beaivváš iige mihkkege báhkaid. ₁₇ Láppis gii lea truvnnu ovddas, goziha sin ja láide sin eallima čáhceádjagiid gáddái, ja Ipmil sihkku sin čalmmiin buot gatnjaliid.”