Sálmmaid girji 126

Go Hearrá jorgalii Siona vuorbbi,

de mii leimmet dego niegadeaddjit.

₂Dalle mii boagusteimmet,

mii lávlluimet ilus

ja min baksamiin gullojedje ávvučuorvasat.

Dalle álbmogat dadje:

“Hearrá lea dahkan sidjiide stuorráid!”

₃Duođaid, Hearrá dagai midjiide stuorráid,

ja mii šattaimet illui.

₄Hearrá, jorgal min vuorbbi

nugo Negeva jogažiid!

₅Dat geat čierrumiin gilvet,

dat ávvudemiin láddjejit.

₆Čieru sii mannet gilvit gortniset,

ávvudemiin sii máhccet

gordnegihput salas.