Ester 10

₁Gonagas Xerxes mearridii vearu eatnamii ja riddoguovlluide. ₂Su fámolaš dagut ja doaimmat ja dárkilis čilgehus dan alla fámus ja válddis maid son attii Mordekajii, leat visot čállojuvvon Media ja Persia gonagasaid muitalusaid girjái. ₃Juvddálaš Mordekai lei gonagas Xerxesa lagamus olmmái. Son lei fámolaš juvddálaččaid gaskkas, ja su vieljat atne su árvvus. Son bivddii iežas álbmoga buori, ja su sánit bukte ráfi su čerdii.