Sálbma 136
1Máidnot Hearrá,
dasgo son lea buorre,
su árbmu bistá agálaččat.
2Máidnot ipmiliid Ipmila!
Su árbmu bistá agálaččat.
3Máidnot hearráid Hearrá!
Su árbmu bistá agálaččat.
4Aivve son dahká stuorra oavdudaguid.
Su árbmu bistá agálaččat!
5Son dagai almmi viissisvuođain.
Su árbmu bistá agálaččat!
6Son lebbii eatnama čáziid ala.
Su árbmu bistá agálaččat!
7Son dagai stuorra čuovggaid.
Su árbmu bistá agálaččat!
8Son dagai beaivváža ráđđet beaivvi.
Su árbmu bistá agálaččat!
9Son dagai mánu ja násttiid ráđđet ija.
Su árbmu bistá agálaččat!
10Son časkkii Egypta
ja gottii dan vuosttašriegádeddjiid.
Su árbmu bistá agálaččat!
11Son buvttii Israela eret Egyptas.
Su árbmu bistá agálaččat!
12Su gievrras giehta,
su geigejuvvon giehta dan dagai.
Su árbmu bistá agálaččat!
13Son luddii Ruksesmeara guovtte sadjái.
Su árbmu bistá agálaččat!
14Son divttii Israela mannat čáziid gaskka.
Su árbmu bistá agálaččat!
15Son ájii farao ja su soahteveaga
Ruksesmerrii.
Su árbmu bistá agálaččat!
16Son oahpistii álbmogis meahci čađa.
Su árbmu bistá agálaččat!
17Son časkkii stuorra gonagasaid.
Su árbmu bistá agálaččat!
18Son gottii fámolaš gonagasaid.
Su árbmu bistá agálaččat!
19Sihona, amorlaččaid gonagasa,
son časkkii.
Su árbmu bistá agálaččat!
20Oga, Bašana gonagasa, son časkkii.
Su árbmu bistá agálaččat!
21Son attii sin eatnama
opmodahkan Israelii.
Su árbmu bistá agálaččat!
22Son attii daid árbeeanamin
bálvaleaddjásis Israelii.
Su árbmu bistá agálaččat!
23Son muittii min
go mii leimmet vuoliduvvon.
Su árbmu bistá agálaččat!
24Son rohttii min min vašálaččaid gieđas.
Su árbmu bistá agálaččat!
25Son addá biepmu buot heakkalaččaide.
Su árbmu bistá agálaččat!
26Máidnot almmi Ipmila!
Su árbmu bistá agálaččat!
