1. Muitalusaid girji 6

₁Levi bártnit ledje Geršom, Kehat ja Merari. ₂Kehata bártnit ledje Amram, Jishar, Hebron ja Ussiel. ₃Amrama mánát ledje Aron, Moses ja Mirjam. Arona bártnit ledje Nadab, Abihu, Elasar ja Itamar. ₄Elasar sahkanahtii Pinehasa, ja Pinehas sahkanahtii Abišua. ₅Abišua sahkanahtii Bukki, ja Bukki sahkanahtii Ussi. ₆Ussi sahkanahtii Serahja, ja Serahja sahkanahtii Merajota. ₇Merajot sahkanahtii Amarja, ja Amarja sahkanahtii Ahituba. ₈Ahitub sahkanahtii Sadoka, ja Sadok sahkanahtii Ahimaasa. ₉Ahimaas sahkanahtii Asarja, ja Asarja sahkanahtii Johanana. ₁₀Johanan sahkanahtii Asarja. Asarja bálvalii báhppan tempelis maid Salomo huksii Jerusalemii.

₁₁Asarja sahkanahtii Amarja, ja Amarja sahkanahtii Ahituba. ₁₂Ahitub sahkanahtii Sadoka, ja Sadok sahkanahtii Šalluma. ₁₃Šallum sahkanahtii Hilkia, ja Hilkia sahkanahtii Asarja. ₁₄Asarja sahkanahtii Seraja, ja Seraja sahkanahtii Josadaka. ₁₅Josadak gulai daidda olbmuide geaid Hearrá divttii Nebukadnesara doalvut fáŋgavuhtii dalle go son válddii Juda ja Jerusalema.

₁₆Levi bártnit ledje Geršom, Kehat ja Merari. ₁₇Geršoma bártnit ledje Libni ja Šimi. ₁₈Kehata bártnit ledje Amram, Jishar, Hebron ja Ussiel. ₁₉Merari bártnit ledje Mahli ja Muši.

Dát leat levilaččaid sogat namahuvvon máttuideaset mielde:

₂₀Geršoma bárdni lei Libni, su bárdni Jahat, su Simma, ₂₁su Joah, su Iddo, su Serah ja su Jeotrai. ₂₂Kehata bárdni lei Amminadab, su bárdni Korah, su Assir, ₂₃su Elkana, su Ebjasaf, su Assir, ₂₄su Tahat, su Uriel, su Ussia ja su Saul. ₂₅Elkana bártnit ledje Amasai ja Ahimot, ₂₆Ahimota bárdni lei Elkana, su bárdni Sofai, su Nahat, ₂₇su Eliab, su Jeroham, su Elkana ja su Samuel. ₂₈Samuela vuosttašriegádeaddji lei Joel, ja su nubbi bárdni lei Abia. ₂₉Merari bárdni lei Mahli, su bárdni Libni, su Šimi, su Ussa, ₃₀su Šima, su Haggia ja su Asaja.

₃₁Dát leat dat geaid David bijai atnit fuola lávlumis Hearrá viesus, go árka lei biddjojuvvon dohko sadjásis. ₃₂Ovdal go Salomo huksii Hearrá viesu Jerusalemii, de sii bálvaledje lávlun almmustusgoađi ovddas, ja sii doaimmahedje bálvalusaset nugo lei ásahuvvon.

₃₃Dát leat dat geat bártniideasetguin atne fuola dán bálvalusas: Kehata sogas: Lávlun lei Heman, Joela bárdni; su áddjá lei Samuel, ₃₄su áhčči Elkana, su Jeroham, su Eliel, su Toah, ₃₅su Sif, su Elkana, su Mahat, su Amasai, ₃₆su Elkana, su Joel, su Asarja, su Sefanja, ₃₇su Tahat, su Assir, su Ebjasaf, su Korah, ₃₈su Jishar, su Kehat, su Levi ja su Israel.

₃₉Hemana olgeš bealde čuoččui su lávlunguoibmin Asaf, Berekja bárdni; su áddjá lei Šima, ₄₀su áhčči lei Mikael, su Maaseja, su Malkia, ₄₁su Etni, su Serah, su Adaja, ₄₂su Etan, su Simma, su Šimi, ₄₃su Jahat, su Geršom ja su Levi.

₄₄Gurut bealde su lávlunguoibmin čuoččui Etan gii lei Merari nális. Etan lei Kiši bárdni; su áddjá lei Abdi ja su áhčči Malluk. ₄₅Malluka áhčči lei Hašabja, su Amasja, su Hilkia, ₄₆su Amsi, su Bani, su Šemer, ₄₇su Mahli, su Muši, su Merari ja su Levi.

₄₈Sin vieljat, eará levilaččat, ledje biddjojuvvon juohkelágán bálvalussii bassibáikkis, Ipmila viesus. ₄₉Muhto dušše Aron ja su bártnit ožžo oaffaruššat oaffariid boaldinoaffaráltára ja suovasáltára alde. Sii doaimmahedje buot bargguid basimus boaššus ja soabahedje Israela suttuid, aiddo nugo Ipmila bálvaleaddji Moses lei gohččon. ₅₀Arona bárdni lei Elasar, su bárdni Pinehas, su Abišua, ₅₁su Bukki, su Ussi, su Serahja, ₅₂su Merajot, su Amarja, su Ahitub, ₅₃su Sadok ja su Ahimaas.

₅₄Dát leat levilaččaid ássansajit ja siiddat mat sis ledje sin iežaset eatnamiin. Dat Arona nális geat gulle Kehata sohkii, ₅₅ožžo árbeoassin Juda čeardda eatnamis Hebrona gávpoga ja guohtuneatnamiid dan birra, ₅₆muhto gávpoga bealdoeatnamat ja dasa gullevaš gilit addojuvvojedje Kalebii, Jefunne bárdnái. ₅₇Arona nállái addojuvvojedje dorvogávpogat Hebron, Libna, Jattir, Eštemoa, ₅₈Hilen, Debir, ₅₉Ašan ja Bet-Šemeš, buot oktan guohtuneatnamiiddisetguin. ₆₀Benjamina čeardda eatnamiin sii ožžo Geba, Alemeta ja Anatota, buot oktan guohtuneatnamiiddisetguin. Arona nális ledje sogaideaset logu mielde oktiibuot golbmanuppelohkái gávpoga oktan daid guohtuneatnamiiguin.

₆₁Eará Kehata náli sogat ožžo vuorbádeamis logi gávpoga Manasse čeardabeales. ₆₂Geršoma náli sogat ožžo golbmanuppelohkái gávpoga Isaskara čearddas, Ašera čearddas, Naftali čearddas ja Manasse čearddas Bašanis. ₆₃Eará Merari náli sogat ožžo vuorbádeamis guoktenuppelohkái gávpoga Rubena, Gada ja Sebulona čearddain. ₆₄Israellaččat adde levilaččaide dáid gávpogiid oktan daid guohtuneatnamiiguin. ₆₅Sidjiide vuorbáduvvojedje Juda, Simeona ja Benjamina čearddain dat gávpogat mat dás leat namahuvvon. ₆₆Muhtin Kehata náli sogat ožžo gávpogiid Efraima čearddas. ₆₇Sidjiide addojuvvojedje dát dorvogávpogat: Sikem Efraima várreeatnamis, Geser, ₆₈Jokmeam, Bet-Horon, ₆₉Ajalon ja Gat-Rimmon, buot oktan guohtuneatnamiiddisetguin. ₇₀Manasse čeardabeales sidjiide addojuvvojedje Aner ja Bileam, guktot oktan guohtuneatnamiiddisetguin. Buot dáid Kehata náli sogat ožžo. ₇₁Geršoma náli sogat ožžo Manasse čeardabeale eatnamiin Golana Bašanis oktan guohtuneatnamiiguin ja Aštarota oktan guohtuneatnamiiguin. ₇₂Isaskara čeardda eatnamiin sii ožžo Kedeša, Daberata, ₇₃Ramota ja Anema, buot oktan daid guohtuneatnamiiguin. ₇₄Ašera čeardda eatnamiin sii ožžo Mašala, Abdona, ₇₅Hukoka ja Rehoba, buot oktan daid guohtuneatnamiiguin. ₇₆Naftali čeardda eatnamiin sii ožžo Kedeša Galileas ja vel Hammona ja Kirjatajima, buot oktan daid guohtuneatnamiiguin. ₇₇Eará Merari náli sogat ožžo Sebulona čeardda eatnamiin Rimmona ja Tabora, guktuid oktan daid guohtuneatnamiiguin. ₇₈Jordana nuorttabealde, Jeriko buohta, dat ožžo Rubena čeardda eatnamiin Besera mii lea meahcis, Jahsa, ₇₉Kedemota ja Mefaata, buot oktan daid guohtuneatnamiiguin, ₈₀ja vel Gada čeardda eatnamiin Ramota Gileadis, Mahanajima, ₈₁Hešbona ja Jasera, buot oktan daid guohtuneatnamiiguin.