Jesaja 12

₁Dan beaivvi don dajat:

“Mun máinnun du, Hearrá.

Don ledjet suhttan munnje,

muhto du moarri soaččui,

ja don jeđđejit mu.

₂Ja nu Ipmil lea mu bestojupmi,

mun lean oadjebas inge bala.

Hearrá lea mu fápmu ja mu suodji,

son besttii mu.”

₃Ilus dii goaivubehtet čázi

bestojumi ádjagiin.

₄Dan beaivvi dii dadjabehtet:

Máidnot Hearrá, rávket su nama,

muitalehket álbmogiidda su daguid,

gulahehket su aliduvvon nama!

₅Rámidehket Hearrá,

son lea dahkan stuorra daguid,

almmuhehket daid miehtá eatnama!

₆Čurvot ávus, dii geat ássabehtet Sionis,

danin go stuoris din gaskkas

lea Israela Bassi.