Jesaja 4

₂Dan beaivvi Hearrá diktá vesá ihtit eatnamis čikŋan ja goargun israellaččaide geat bestojuvvojit, ja eatnama šaddu lea sin rápmi ja gudni. ₃Ja dat geat leat báhcán Sionii, geat leat sestojuvvon Jerusalemis, gohčoduvvojit bassin, buohkat Jerusalemis geat leat čállojuvvon daid lohkui geat besset eallit. ₄Go Hearrá lea doidán Siona nieiddaid duolvva ja bassan Jerusalema varravealggi vuoigatvuođa vuoiŋŋain, buhtisteaddji vuoiŋŋain, ₅de son bajida Sionvári ja dan ávvučoakkalmasa badjel balvva beaivái ja dola báitima idjii. Buot badjel lea dáhkkin su hearvásvuohta govččas ₆ mii addá suoivana beaivvi báhkas ja suddje čáhcerášu ja arvvi vuostá.