Lukas 3

₁Keaisár Tiberiusa vihttanuppelogát ráđđenjagi, dan áigge go Pontius Pilatus lei Judea eatnanhearrán, go tetrárkan ráđđejedje Galileas Herodes, Itureas ja Trakonitisa eatnamis su viellja Filip ja Abilenes Lysanias ₂ja go bajimusbáhppan leigga Hannas ja Kaifas, de Ipmila sátni bođii Johannesii, Sakariasa bárdnái, gii orui meahcis. ₃Son vulggii Jordana guovlluide ja sárdnidii juohke báikkis jorgaleami gástta suttuid ándagassii addojupmin, ₄ nugo lea čállojuvvon profehta Jesaja girjái:

₁₀Olbmot jerre sus: “Maid mii de galgat dahkat?” ₁₁Son vástidii: “Geas leat guokte báiddi, dat galgá addit nuppi dasa geas ii leat oktage. Geas lea láibi, dat galgá dahkat seammá ládje.” ₁₂Maiddái tuollárat bohte gásttašuvvot, ja sii jerre Johannesis: “Oahpaheaddji, maid mii galgat dahkat?” ₁₃Son vástidii: “Allet gáibit eambbo go lea mearriduvvon.” ₁₄Go soalddáhat jerre sus: “Naba mii, maid mii galgat dahkat?” de son vástidii sidjiide: “Allet váldde geasge ruđa veahkaválddiin dahje áitimiin, muhto duhtet bálkáseattet.”

₁₅Olbmot ledje vuordevaččat. Buohkat jurddašedje ahte Johannes sáhttá leat Messias. ₁₆Muhto son vástidii sidjiide buohkaide: “Mun gásttašan din čáziin, muhto maŋŋil mu boahtá son gii lea gievrrat go mun. Mun in leat dohkálaš čoavdit su gámagarccaidge. Son gásttaša din Bassi Vuoiŋŋain ja dolain. ₁₇Sus lea gieđas goaivu mainna son ráidne luvvejuvvon gortniid. Nisuid son čohkke áitásis, muhto sáđuid son boaldá dolas mii ii čáskka goassege.”

₁₈Máŋgga eará láhkáige Johannes neavvui olbmuid go son sárdnidii sidjiide evangeliuma. ₁₉Muhto go son cuiggodii njealjádasráđđejeaddji Herodesa su vielja áhká Herodiasa dihte ja buot baháid dihte maid son dagai, ₂₀de Herodes dagai vel dange ahte bijai Johannesa giddagassii.

₂₁Ollu olbmot gásttašahtte iežaset. Go maiddái Jesus lei gásttašuvvon, de albmi rahpasii go son lei rohkadallamin, ₂₂ja Bassi Vuoigŋa bođii su badjelii duvvá hámis. Ja almmis gullui jietna: “Don leat mu ráhkis Bárdni, du mun lean válljen.”

₂₃Jesus lei sullii golbmalogijahkásaš go álggahii doaimmas. Son lei, nugo olbmot gádde, Josefa bárdni. Josefa áhčči lei Eli, ₂₄su áhčči Mattat, su Levi, su Melki, su Jannai, su Josef, ₂₅su Mattitja, su Amos, su Nahum, su Hesli, su Naggai, ₂₆su Mahat, su Mattitja, su Šimi, su Josek, su Joda, ₂₇su Johanan, su Resa, su Serubbabel, su Šealtiel, su Ner, ₂₈su Melki, su Addi, su Kosam, su Elmadam, su Er, ₂₉su Josua, su Elieser, su Jorim, su Mattat, su Levi, ₃₀su Simeon, su Juda, su Josef, su Jonam, su Eljakim, ₃₁su Melea, su Menna, su Mattat, su Natan, su David, ₃₂su Isai, su Obed, su Boas, su Salma, su Nahšon, ₃₃su Amminadab, su Admin, su Arni, su Hesron, su Peres, su Juda, ₃₄su Jakob, su Isak, su Abraham, su Terah, su Nahor, ₃₅su Serug, su Reu, su Peleg, su Eber, su Šelah, ₃₆su Kenan, su Arpakšad, su Sema, su Noa, su Lamek, ₃₇su Metušelah, su Henok, su Jered, su Mahalalel, su Kenan, ₃₈su Enoš, su Set, su Adam, su Ipmil.