Sálmmaid girji 101

Mun lávllun du oskkáldasvuođa

ja vuoiggalašvuođa,

mun lávllun dutnje máidnuma, Hearrá.

₂Mun dáhtun oahppat vádjolit

vuoigatlaččat

– goas boađát mu veahkkin?

Mun dáhtun eallit láitemeahttumit

iežan viesus.

₃Mun in riema masage

mii lea árvvuheapme.

Mun vašuhan daid geat rihkkot lága,

dakkárat eai oaččo boahtit mu lahka.

₄Gáidos behtolašvuohta mu luhtte,

mun in fuola bahás.

₅Mun jávohuhtán dan gii sárdnu

lagamuččas sealggebealde.

Čeavlás čalmmiid ja gorges váimmu

mun in gierdda.

₆Mu čalmmit gehččet

eatnama oskkáldasaide,

sii besset ássat mu luhtte.

Dan gii vádjola láitemeahttumit,

mun válddán bálvaleaddjin,

₇muhto behtolaš ii beasa

ássat mu viesus.

Dan gii sárdnu giellásiid,

mun in duotto oaidnit.

₈Juohke iđida mun duššadan

ipmilmeahttumiid eatnamis,

jávkadan Hearrá gávpogis

buohkaid geat dahket veriid.