Sálmmaid girji 120

Hearrá mun čuorvvun heađistan,

ja son vástida munnje.

₂Hearrá, beastte mu gielástalliid gieđas,

várjal mu sin behtolaš ságain.

₃Vare Hearrá ráŋggáštivččii du

dál ja maŋŋil, don gielástalli,

₄soahteolbmá bastilis njuolaiguin,

buolli, boaldi hilaiguin!

₅Vuoi mu!

Mun ealán vierisin Mešekis,

mun ásan Kedara gođiin.

₆Menddo guhká mun lean ássan

daid gaskkas geat vašuhit ráfi.

₇Mun dáhtun ráfi, muhto jos jienádan,

de sii leat geargadat soahtái.