Sálmmaid girji 130

Čiekŋalasas mun čuorvvun du, Hearrá.

₂Hearrá, gula mu jiena,

guldal go mun rohkadalan.

₃Jos don, Hearrá, anát muittus suttuid,

Hearrá, gii dalle ceavzá?

₄Muhto dus lea ándagassii addojupmi,

ja danin mii ballat dus.

₅Mun vuorddán Hearrá,

mu siellu vuordá,

mun vuorddán su sáni.

₆Mun vuorddán Hearrá

nugo goziheaddjit iđida,

eambbo go goziheaddjit iđida.

₇Israel, vuordde Hearrá!

Hearrá lea árbmugas,

sus lea fápmu lonistit du.

₈Son lonista Israela

buot dan suttuin.