Sálmmaid girji 36

₂Suddu savkkuha

ipmilmeahttuma váimmu čiekŋalasas,

nu ahte son ii šat bala Ipmilis.

₃Iežas čalmmiin son lea vigiheapme,

son ii gávnna alddis suttu

maid vašuhit.

₄Su sánit leat bahát ja behtolaččat,

son lea heaitán meannudeames

jierpmálaččat ja dahkamis buori.

₅Oađđinsajistis son hutká baháid.

Son vádjola geainnu mii

ii leat buorre,

bahá son ii hilggo.

₆Hearrá, du árbmu ollá albmái,

du oskkáldasvuohta

gitta balvvaid rádjái.

₇Du vanhurskkisvuohta lea

dego alla várit,

du duomut nugo stuorra

mearračikŋodat.

Hearrá, don veahkehat olbmo ja ealli.

₈Man mávssolaš lea du árbmu, Ipmil!

Olbmot ohcet suoji du soajáid

suoivanis.

₉Sii gallehuvvojit du viesu

buoremus borramušain,

don attát sidjiide juhkat

iluidat jogažis.

₁₀Du luhtte lea eallima ája,

du čuovgasis mii oaidnit čuovgasa.

₁₁Ale goassege gáidat iežat árpmu

dain geat dovdet du

ja geaid váibmu lea vuoigatlaš.

₁₂Ale suova čeavlás olbmuid

duolbmat mu

alege ipmilmeahttumiid ádjit

mu ruovttustan.

₁₃Duohko leat gahččan vearredahkkit!

Sii leat nordaduvvon vuolás,

sii eai sáhte čuožžilit.