Sálmmaid girji 53

₂Jierpmeheamit jurddašit:

“Ipmil ii leat.”

Bahá ja fasti lea sin vádjolus,

ii leat oktage gii dahká dan mii lea buorre.

₃Almmis Ipmil geahččá olbmuide.

Son dáhttu oaidnit

leago oktage jierpmálaš,

oktage gii ohcá Ipmila.

₄Buohkat leat gáidan Ipmilis,

buohkat leat gealbbohuvvan.

Ii leat oktage gii dahká dan mii lea buorre,

ii fal ii oktage.

₅Eaigo sii ipmir maidege,

duot vearredahkkit?

Sii borret mu álbmoga

dego olmmoš borrá láibbi,

muhto eai čuorvvo Ipmila.

₆Muhto dat geat eai lean balus,

galget suorganit sakka,

dasgo Ipmil biđge

iežas álbmoga vašálaččaid dávttiid.

Ipmil lea hilgon sin,

ja sii šaddet heahpanit.

₇Vare Sionis boađášii

bestojupmi Israelii!

Go Ipmil jorgala

iežas álbmoga oasi,

dalle Jakob ávvuda, Israel illuda.