Sálmmaid girji 93

₁Hearrá lea gonagas!

Allatvuohta lea su bivttas,

son lea gárvodan fámu,

čavgen boahkána alimiid birra.

Máilbmi bissu nanusin, ii dat lihkas.

₂Du truvdnu lea leamaš nanus

áiggiid čađa,

don leat agálašvuođa rájes.

₃Rávnnjit márre, Hearrá,

rávnnjit márre šáva,

rávnnjit márre ja julaidedje.

₄Hearrá lea fámolaš allagasas,

fámoleabbo go stuorra čáziid šávva,

fámoleabbo go meara siiggádat.

₅Hearrá, du báhkkomat leat duođat,

du viessu lea bassi buot áiggiid čađa.