1. Muitalusaid girji 8

₁Benjamina vuosttašriegádeaddjin riegádii Bela, nubbi bárdni lei Ašbel, goalmmát Ahrah, ₂njealját Noha ja viđát Rafa. ₃Bela bártnit ledje Addar, Gera, Abihud, ₄Abišua, Naaman, Ahia, ₅Gera, Šefufan ja Huram. ₆Ehuda bártnit geat ledje bearrašiiddiset oaivámuččat Gebas ja šadde sirdásit Manahatii, ₇ledje Naaman, Ahia ja Gera. Gera doalvvui sin Manahatii; son sahkanahtii Ussa ja Ahihuda.

₈Maŋŋil go Šaharajim lei vuolggahan eret áhkáidis Hušima ja Baara, ₉de su áhkká Hodeš riegádahtii sutnje Moaba eatnamis Jobaba, Sibja, Meša, Malkama, ₁₀Jeusa, Sakeja ja Mirma. Dát su bártnit šadde bearrašiiddiset oaivámužžan. ₁₁Hušim lei riegádahttán sutnje Abituba ja Elpaala. ₁₂Elpaala bártnit ledje Eber, Mišam ja Šemer gii huksii Ono ja Loda ja dan birasgávpogiid.

₁₃Beria ja Šema leigga bearrašiiddiska oaivámuččat Ajalonis. Soai ájiiga Gata ássiid báhtarussii; ₁₄Šašak ja Jeroham, ₁₅Sebadja, Arad, Eder, ₁₆Mikael, Jišpa ja Joha ledje Beria bártnit. ₁₇Sebadja, Mešullam, Hiski, Heber, ₁₈Jišmerai, Jislia ja Jobab ledje Elpaala bártnit. ₁₉Jakim, Sikri, Sabdi, ₂₀Eljoenai, Silletai, Eliel, ₂₁Adaja, Beraja ja Šimrat ledje Šema bártnit. ₂₂Jišpan, Eber, Eliel, ₂₃Abdon, Sikri, Hanan, ₂₄Hananja, Elam, Antotia, ₂₅Jifdeja ja Penuel ledje Šašaka bártnit. ₂₆Šamšerai, Šeharja ja Atalja, ₂₇Jaarešja, Elia ja Sikri ledje Jerohama bártnit. ₂₈Sii ledje sogaideaset oaivámuččat bearrašiid mielde logahallojuvvon; sii ásse Jerusalemis.

₂₉Gibeona vuođđudeaddji Jeiel ásai Gibeonis; su áhká namma lei Maaka. ₃₀Su bártnit ledje Abdon, vuosttašriegádeaddji, Sur, Kiš, Baal, Ner, Nadab, ₃₁Gedor, Ahjo, Seker ja Miklot. ₃₂Miklot sahkanahtii Šima. Vieljaideaset láhkái sii ásse Jerusalemis.

₃₃Ner sahkanahtii Kiša, Kiš sahkanahtii Saula, Saul sahkanahtii Jonatana, Malkišua, Abinadaba ja Ešbaala. ₃₄Jonatana bárdni lei Merib-Baal, ja Merib-Baal sahkanahtii Mika. ₃₅Mika bártnit ledje Piton, Melek, Tarea ja Ahas.

₃₆Ahas sahkanahtii Joadda, ja Joadda sahkanahtii Alemeta, Asmaveta ja Simri. Simri sahkanahtii Mosa, ₃₇ja Mosa sahkanahtii Bina. Su bárdni lei Rafa, su Elasa, su Asel. ₃₈Aselis ledje guhtta bártni. Sin namat ledje Asrikam, vuosttašriegádeaddji, Ismael, Šearja, Asarja, Obadja ja Hanan; sii buohkat ledje Asela bártnit. ₃₉Su vielja Ešeka bártnit ledje Ulam, vuosttašriegádeaddji, nubbi bárdni lei Jeuš ja goalmmátgis Elifelet. ₄₀Ulama bártnit ledje jálus soahteolbmát, roahkkadis dávgebáhččit. Sis ledje ollu bártnit ja áddjubat, oktiibuot čuođivihttalogi. Sii buohkat ledje Benjamina nális.