Sálmmaid girji 4

₂Vástit munnje go mun čuorvvun!

Ipmil, don hágat munnje vuoigatvuođa,

don rabat munnje geainnu áŧestusas.

Leage munnje árbmugas

ja gula mu rohkosa.

₃Olbmot, man guhká

dii heahppášuhttibehtet mu gudni?

Man guhká dii ráhkistehpet

duššálašvuođa

ja bivdibehtet giellása? Sela

₄Dihtet ahte Hearrá dahká oavdduid

dasa gii lea sutnje oskkáldas.

Hearrá gullá go mun čuorvvun su.

₅Jos moaráhuvvabehtet,

de allet suddut.

Celket alcceseattet go veallábehtet

oađđinsajisteattet:

“Oro jávohaga!” Sela

₆Oaffaruššet rivttes oaffariid,

dorvvastehket Hearrái.

₇Eatnagat dadjet:

“Gii attášii midjiide lihku?”

Hearrá, divtte du muođuid

čuovgat midjiide.

₈Don attát mu váibmui stuorit ilu

go oktage oažžu

gortni ja viinni valljivuođas.

₉Ráfis mun veallánan ja nohkan.

Don, Hearrá,

divttát mu eallit oadjebassan.